Pas ede La Mada ra lao ta aka tolo. Ringa ba
Loho dou, lao dulaku ta uma. Wunga ta dei ncai gang lampa sai ba La Mada uma La
Mina.
“Tima!
Ma lao ta be ku?” nggao ba La Mina ta tada ncai uma na.
“bune
si edamu nahu ke soba? Boumpa dula ta tolo ta ke ni.” Cambe kai ba La Mada.
“iyo
nggoke. Ndake soba e. Wara acara ngaha ra do’a ana nahu ke. Kombi loa ta ndai
kaso ta re inga tiopu mami oha.” Tala La Mina.
“oh
iyo. Moda mpa ni lenga. Nahu ma lao ndeu ra mboa wa’u. Nggori sambe re, Insya
Allah ka mai ntenempa.” Cambe kai ba La Mada.
*
Ade
ndi rawi ta uma La Mina, tio ra paresa ra ba La Mada au ncau ma kura ade ra ka mami
mena na re. Awa nari ra liro, wunga khoso paresa ra tio..
“Salamu’alaikum
warohmatullahi wabarokatuh!”
Wento La Mada wara eli dou siwe ta
kompeku.
“Iyota, Wa’alaikumussalam warohmatullahi
wabarokatuh!” cambe kai ba La Mada.
“Dodoku catatan amal perbuatan manusia
ta!” nggahi ba wa’i ede, dera nara ra eli na.
Wa’i ede kani na baju ma mpasa, wara
sampeke por-poro ndede douna. Wancuku hoi lokoku wara sia de ta kompe ta. Paina
wa’a salam ta tando uma re ti bunena. Ake ke beliau re lu’u mola lalo na dei
riha La Mina. Sodiku La Mina ra dou ma doho ta kompe riha re wati ja wara ma
pata na Wa’i ta ke.
“iyota, ndaita ke cou ta? Malaikat ma wa’a
pahu ta?” Sodi kai ba La Mada, hoi loko La Mada re wati du wa’u di tapa sengge
kere re. Istigfa ma da dengga mpa dei ade re. Ndi fiki-fiki si ore ra dosa ra
ba’a ku dou si sandaker aike. Ampo ake mai dou tua ma mai sodiku. Ira Ruma e..
kombi ake dou ra kakaimu kau mai weha nawa mada. Nggahi ade La Mada.
“Ndai kaso ku ke ka ne’e mai raho ra sodi
catatan amal ndaim ke. Auku alasan mu ta di Ruma pedere?” cambe kai ba Wa’i Tua
de.
“iyota. Santabe ta doho wa’u kombi ta
Ina. Ake mada ma cedo wea mu oha ra uta, Maki ra hompa lampa ra laomu. Mina
mbei jap oi nono Wa’i ke.”
Mbei ba La Mada kadera ndi doho kaina.
Naha hoi loko ta re ringa tala Wa’i de. Auku ndi cambe sodi si ba Ruma Ta’ala
pedere. Ake umu ku wa’ura tolu mpuru dua mba’a. Orepu dosa bandisi amal sale,
ira Ruma Ta’ala kangampu pu dosa La Mada. Wa’i Tua de wati ca’una doho, mbuipu
kidi mbi’i na ta kompe La Mada.
“Ira Wa’i e.. nuntu si mantiri, La Mada
kaso ta ke bibi loko ra sengge kere ta ringa tala ita akan wa’u de. Nggara ma
sodi si catatan amal de wati ntau ku, pala ma weha si nawa mada de.. wehap ra
nih.. tawakkal mpa mada ke.” Cambe kai ba La Mada. La Mina La’o Ibu-Ibu ma doho
re hari kiro lokona ringa cambe kai ba La Mada.
Wa’i ede rabi na kadera de, la’o mpa ra
ngaha na oha ra ka ambi ba La Mada. La Mada re wento pala mbuipu hoi loko ta.
“Ndai kaso ta ke Dou Raba ta, ra mai
lampa raho sariwu dua riwu ta ara ndai kaso ta.” Cambe kai ba Wa’i.
“Iyo Wa’i e e.. ba ka bibi loko ja mu
mada akan wa’ure.. sangka ku dou ese woha ai ma mai weha ao mada. Ba da nggahi
ja mu ra raho rero mu niki uma.”
Ede pala hari kiro loko kai La Mina la’o
lenga dohona. Palasi Wa’i de douma nggene, niki rasa ra kampo ra uma ndede ncau
ku pala nggahi na. J
Kota Bima,28 April 2014
@00:42
